Skip to content Skip to navigation

Xuventude Oroso en infantís, Dumbría CF en cadetes e SD Compostela en xuvenís campións do II Torneo A Mercé de Conxo

Redacción
Escudo CD Conxo

Fin de semana cargado de fútbol base nas instalacións deportivas da Mercé de Conxo, que deixou boas sensacións para a maioría dos equipos participantes nesta segunda edición do torneo do barrio compostelán.

Xuv. Oroso gran triunfador en categoría infantil
Dumbría lograba vencer ao Conxo na final cadete
O Compostela triunfaba na categoría xuvenil

Últimas probas antes do inicio das competicións que serviron aos técnicos para comprobar o nivel competitivo dos seus conxuntos e para sacar conclusión en canto ao nivel que poidan chegar a alcanzar durante os campionatos ligueiros. 

En infantís, disputado o venres 28, o ED Xuventude Oroso impúxose con claridade na final ao Montañeros BG, por un claro 4-0. Completou o podio o CD Conxo tras superar ao Santiago CF. Javi Domínguez do Xuv. Oroso foi nomeado mellor xogador. 

O sábado 29, disputábase a categoría cadete, na que o Dumbría CF superaba ao conxunto local do CD Conxo por 1-2. No terceiro chanzo o Arosa SC, con un gran fútbol, superaba ao CD Boiro. Brandon, xogador do Dumbría CF recolleu o premio ao mellor xogador. 

E por último na xornada do domingo 30, en xuvenís, era a SD Compostela a que superaba con certa claridade ao Santiago CF. O podio era completado polo CD Conxo que superou contundentemente ao CD Unión de Asados. Alberto foi neste caso o xogador que levou a distinción como mellor xogador da súa categoría.